M A
انا ما ذبحني غير ضبين عليه سهوم.. لياء سلهمت في كامل العقل ينجني
تعلقت فيه و عفت بعده لذيذ النوم.. و لا عاد لي صده و لا عاد يمديني
احبه و حبه في ضلوع الحشا مختوم.. لو انه بعيد و ضامي الشوق يذبحني
ياخذ مايبا بس يرحم العاشق المنجوم.. يجمل يقلي وش يبي هو نظر عيني
علئ قــــلــ 
ـــبي استولئ وحدد سهم مسموم.. رماه في صميم القلب ياناس صوبني
اساير شعوري يوم واقف بوجهه يوم.. صرت بجميع اوضاعي لشوفه متعني
غدا في حياتي يشبه لقدري المحتوم.. و شوقي يبيه و دمع العين يفضحني
جيتك من اشواقي اطير كالطير.. اطير مثل الريح ماهي سفينه
اللي يحبك يوصلك دون تاخير.. علئ علاقة عشق بينك و بينه
في شوفتك هليت ازف التباشير.. يصرخ صدئ بوحي بكل المدينه
يا فارقه في الوصف بين الغنادير.. يا ساكنه ما بين رمشه و عينه
غلاكٍ عنده ما يقارن مع الغير.. قد صرت غالي من بعد والدينه
اللي حمل لك ورد ماينفخ الكير.. يعطيك قلبه مع ورود الجنينه
كتبت لك ابيات شعري تعااابير.. لاصار في شرواك يحصد ثمينه
ومن بعدها اعطيك للحال تقرير.. في غيبتك الروح صارت حزينه
يضيق صدري ليا ما شافته عيني.. كن السعاده من الانفاس مخطوفه
وان طل مثل السحاب الغر يحييني.. يازين كل الوصوف وحي ذا الشوفه
يا غايتي يالغلا يا فرحة سنيني.. غيبتك عن ناظري ماهي بمالوفه
يا شمعة في سويدا القلب تكويني.. باوتار عازف يغني اليوم معزوفه
يا ام الدلع والحلا والعطف والليني.. غيبتك تذبح حبيبك هدت اشفوفه
وكيف اوصف غلاتك وانت تغليني.. يامن زهت نقشة الحنا علئ كفوفه
ازعل من الوقت وانته من يسليني.. و كيف اجازيه يا عالم بمعروفه
اذا ضحك تضحك الدنيا وتدعيني.. واذا زعل برطمت والعين مكسوفه
مهره و لا تنعسف ياكود بـ يديني.. واحبالها في يدين الذيب ملفوفه
يصبحبي الشوق لين الليل يمسيني.. و انا يديني من الثنتين مكتوفه
يا حبي اللي توزع في شراييني.. متئ يحين الوصال وتسمح ظروفه
يا زين خل السوالف بينك وبيني.. واسمع تناهيت شاعر يحترق جوفه
بادلك بالوصل و انته تجافيني.. يا قو قلبك و قــــلــ ـــبي منك يا خوفه
ذكراك وقت الضمئ لا شك ترويني.. وكيف لو كنت انا واحد من ضيوفه
تعال قلي عن احوالك..وبقول لك كيفها احوالي
جازيت حبي باهمالك ..ومارضئ عليك دووم باهمالي
سلم علئ قلبك وقله سلامات..لابد يجي له يوم ينسئ المواجع
الناس تقول دايم ما فات قد مات..واللي مضئ ماظنتي عاد راجع
عقب المواصل فرقتنا المقادير..وعقب الوعود اللي وعدها تغلئ..وصل رساله له من دون تاخير..و قله ترئ منهوو تغلئ تخلئ..
الرئيسية 
اليومية
